Azken lana: lehen hezkuntzako talde lana

LEHEN HEZKUNTZAKO TALDE LANA

 Azken lan honetan gure taldeak egindako lanaren hausnarketatxo bat egitea eskatzen zaigu eta hona hemen nirea. Hala ere, edozein hausnarketarekin hasi aurretik, talde kideen aipamena egingo dut. Talde hau osatu dugu: Amaia Agirreurreta, Naiara Azkona, Amanda Oribe eta Nerea Larrarte.

Lehenik eta behin esan niretzako lehen aldia izan dena online talde lanean aritzea. Orain arte ezagutzen nuen lan egiteko modua presentziala izan da, beraz, talde- lan birtualean estreinatu naiz.

Lana egiteko modua, alde batetik, erosoa izan da; norberak ahal zuenean joan baita ekarpenak egiten.  Norberak bere denbora nahi duen bezala gestionatzeko aukera edukitzea eta desplazatu beharrik ez izatea izugarrizko abantaila da. Ikasleen egoerara trasladatuz ere, agian ikasleren bat denbora luzez eskolara bertaratu ez daitekeenerako tresna oso interesgarria da.

 Bestetik berriz, feedback-a momentuan ez izateak niretzat bere alde negatiboa ere izan du: momentuan ez jakiteak taldekideek zein iritzi duten norberak egin duen lanari buruz... inseguritate pixka bat ematen du. Bestetik, ez zait gehiegi gustatu ekarpenak non egin behar genituen ziur ez jakitea,  alegia hasieran Amaiak eta biok konpartitu genuen docs horretan edota, beste dokumentu batean. Gainera, honetarako ere bakoitzaren korreo elektronikoa behar zen eta alderdi hauek, lanean hasi aurretik taldekide guztientzat argi edukitze garrantzitsua iruditzen zait, bestela niri gertatu zaidana gertatu baitaiteke, taldekide guztiona dokumentu berdinean txertatu ote dugun duda sortzea.  Nire kezkek hausnarketa egin aurretik, gure taldeko mezu guztiak irakurri, Amaiak bidali zuen docs. dokumentua Naiarak azkena egindako ekarpenekin bat zetorren errebisatzea eraman nau. (Suposatzen dut hau beste modu batera egin ahal izango dela. Nik adibidez, nire ahizparekin bere dokumentuetan ekarpenak egiten aritzen naizenean,  bakoitzak eransten duena kolore desberdin batekin jartzen dugu. Era honetan badakigu dokumentua nola doan eraikitzen. Hala ere, ez dakit honek izan behar duen modua edo besteren bat dagoen). Ikusten duzuen bezala, egiturak eta tresnak ez menderatzeak ziurtasun falta nabarmen utzi du nire egitekoetan eta agian, era honetan lan egiteko erak,lan metodologia gehiago zehaztea eskatzen zuen.

Hala ere, zailtasun guztiak ondo edo gaizki, baina gogoarekin eta arituz lortu dugu lana aurrera eramatea eta ez da gutxi hasi berri batentzat. Oso ondo ekipo!!

Hortxe doa guztion ekarpenetatik jasotako azken lana.

	Gutxienez behar dugu...	Ongi egoteko behar dugu...	Bikain aritzeko behar dugu...
KOLABORAZIOA BULTZATZEKO EDO SUSTATZEKO	·         Taldean lan egiten jakitea. ·         Irakaslea prest egon behar da aldaketarako eta motibatuta. ·         Partaide guztiek ekarpenak egieko ahaleginak egitea.	·         Talde giroa egotea, konfidantza, konplizidadea, bakoitzaren indarguneak ezagutzea. ·         Egin behar dugun horretan sinistea	·         Lan taldean aritu, elkarlana eta denon ekarpenak sustatzea. ·         Elkarlana eta giro egokia. ·         Errespetua bai taldekideen artean eta bai lanean lortzen diren ideiak aurrera eramateko. ·         Erronkak sortu. ·         Parte hartzea era desberdinetan eman daiteke eta era guztiak onartu eta errrespetatzea
KOMUNIKAZIOA BULTZATZEKO EDO SUSTATZEKO	·         Elkarrekin hitz egiteko espazioak. ·         Elkarrizketa ondo bideratu (bestea entzun, zer esango dugun ondo pentsatu, galderak egin, azalpenak eman…) ·         Pataide guztien interakzioa egotea ·         Partaide guztien ekarpenak egotea ·         Partaide guztiak esandakoa aztertu	·         Mahaiak taldekatuak egotea. ·         Lan dokumentu bateratuak erabiltzea. ·         Talde lana bultzatzea eta baloratzea. ·         Talde lana aurrera eramateko baloreak lantzea eta bertan indarra jartzea. ·         Partaide guztiak gai garen formatuan aritzea eta hórrela izango ez balitz trebatu, lagundu, erakutsi ·         Konpetentzi digitalen konzientziaz jabetzea	·         Hurbiltasuna taldekide eta irakaslearen artean. ·         Talde kooperazioa. ·         Iritziak, ideaiak eta gure nahiak kontuan hartu. Eztabaidak sotu baina beti errespetua landuz hitz egiteko txandak errespetatuz, besteen ideiak entzunez… ·         Google docs eta antzekoprogramak erabiltzea komunikatzeko eta lana partekatzeko. Aldaketak edozein momentuan egin ahalizateko. ·         Akatsak errespetatu eta aldaketak egin behar direla  onartu. ·         Azken produkutua partaide guztien emaitza denez, denen inplikazioaz jabetzea
EDUKIAK PROPOSATZEKO ETA LANTZEKO	·         Ideiak izan. ·         Elkarri adierazi eta aztertu. ·         Motibazioa. ·         Zer lortu nahi den jakin eta hori burutzeko landuko ditugun edukiak zehaztu; horretarako zer egin daitekeen eta nola pentsatu	·         Egoera problema ezberdinak mahai gainean jarri eta erabaki ondoren zer landu nahi dugun aztertu eta erabaki. ·         Hori aurrera eramateko talde eztabaida ·         Lortu nahi den hori lortzeko adostu beharreko lan ildoa eta pausoak ondo zehaztu eta argi eta garbi izatea.	·         Tresnak aurkeztu. ·         Ondo planifikatu. ·         Helburua betetzen dugunean erronka berri bat lortu. ·         Azken produktu hori gauzatzeko erabiliko ditugu tresna digitalak zehaztu eta hauek nola erabili ze helbururekin planteatu.
PENTSAMENDU KRITIKOA GARATZEKO	·         Informazioa jaso eta aztertu. Kontrastatu. ·         Informazio bide eta modu desberdinetik lortu, aztertu eta aldaratu.	·         Informazio jasotzeko baliabide desberdinak: ordenagailuak, entziklopedia, bideoak… ideiak garatzen eta informazioa kontrastatzen joateko baliabide desberdinak: paperean, baliabide informatikoak... ·         Informzioa kontrastatzeko pistak eta nondik norakoak eman. ·         Informazio desberdina konparatzeko eta modu kritiko batean ausnartzeko baliabideak eta estrategiak erakutsi.	·         Beharrizanak identifikatu. ·         Denon ideiak kontuan hartu bide egokia bilatzeko. ·         Ikasleak egoera desberdinetan kokatu egoera horietatik nondik joango diren ikusteko. ·         Pentsamendu kritikoaren aurrean egon daitezkeen desberdintasunetaz jabetu daitezen ausnarketa egin eta talde mailan izan behar dituzten irizpideak adosten lagundu, pentsamendu kritiko hori taldekoa izateko eta ez norbanakoa. ·         Talde konzientzia landu
SORMENA ETA BERRIKUNTZA SUSTATZEKO	·         Guztien ideiak onartzea eta entzutea. ·         Ideia ezberdinak baloratzea. ·         Idei guztien garrantziaz jabetzea eta horretarako ideak biltzeko tresnak erakutsi gero garrantzitsuenak aukeratzeko ( adibidez, “lluvia de ideas” edo horrelako tekniken erabilpena)	·         Aniztasunaren ikuspegiak balorea izatea: irakasleak eta ikasleak honetan ezagutza izatea. ·         Ideia berriak, originalak, ezberdinak txalotu eta erabili. ·         Gauza berriak egiteko ausardia eta gogoa. ·         Formazioa ideia berriak jasotzen joateko. ·         Kolaborazioa, batzuek eta besteek dakitena konpartitu eta honi gauza berriak gehitzeko.	·         Ikasle eta Irakasleen ideiak batu proiektu berriak sortzeko. ·         Motibazioa eta jarrera irekia. ·         Aldaketei aurre egin, beldur ez izatea. ·         Ereduak ikusi, berriak sortu aha izateko eta horretarako gaur egun sarean ditugun baliabideak erabili. ·         Irudimenaren garrantzia eta berria sortzearen garrantzia bultzatu.
KUDEAKETA- ESTRATEGIAK IZATEKO ETA GARATZEKO	·         Espazio egokiak. ·         Tresna eta baliabideak izan. ·         Denboralizazio egokia.	·         Baliabide egokiak. ·         Konpetentzia digitalak ezagutu.	·         Ereduak ikusi ·         Drive, calendar eta antzekoak erabili.

ANIMATU LEHEN HEZKUNTZAKO LAN TALDERA!!

TALDE LANA: ANIMATU GURERA!!

Kaixo denoi. Nire blogaren bidez gure lan taldean sartzea animatu nahi zaituztet. Ikus dezazuen zerotik ez daukazuela hasi beharrrik orain arte egindako lana partekatzen dizuet.

Taldekideak: Nerea Larrarte eta Amanda Oribe

	Gutxienez behar dugu...	Ongi egoteko behar dugu...	Bikain aritzeko behar dugu...
KOLABORAZIOA BULTZATZEKO EDO SUSTATZEKO	Taldean lan egiten jakitea. Irakaslea prest egon behar da aldaketarako eta motibatuta.	Talde giroa egotea, konfidantza, konplizidadea, bakoitzaren indarguneak ezagutzea.	Lan taldean aritu, elkarlana eta denon ekarpenak sustatzea. Elkarlana eta giro egokia. Errespetua bai taldekideen artean eta bai lanean lortzen diren ideiak aurrera eramateko. Erronkak sortu.
KOMUNIKAZIOA BULTZATZEKO EDO SUSTATZEKO	Elkarrekin hitz egiteko espazioak. Elkarrizketa ondo bideratu (bestea entzun, zer esango dugun ondo pentsatu, galderak egin, azalpenak eman…)	Mahaiak taldekatuak egotea. Lan dokumentu bateratuak erabiltzea. Talde lana bultzatzea eta baloratzea. Talde lana aurrera eramateko baloreak lantzea eta bertan indarra jartzea.	Hurbiltasuna taldekide eta irakaslearen artean. Talde kooperazioa. Iritziak, ideaiak eta gure nahiak kontuan hartu. Eztabaidak sotu baina beti errespetua landuz hitz egiteko txandak errespetatuz, besteen ideiak entzunez… Google docs eta antzekoprogramak erabiltzea komunikatzeko eta lana partekatzeko. Aldaketak edozein momentuan egin ahal izateko. Akatsak errespetatu eta aldaketak egin behar direla  onartu.
EDUKIAK PROPOSATZEKO ETA LANTZEKO	Ideiak izan. Elkarri adierazi eta aztertu. Motibazioa.	Egoera problema ezberdinak mahai gainean jarri eta erabaki ondoren zer landu nahi dugun aztertu eta erabaki. Hori aurrera eramateko talde eztabaida.	Tresnak aurkeztu. Ondo planifikatu. Helburua betetzen dugunean erronka berri bat sortu.
PENTSAMENDU KRITIKOA GARATZEKO	Informazioa jaso eta aztertu. Kontrastatu.	Informazio jasotzeko baliabide desberdinak: ordenagailuak, entziklopedia, bideoak… ideiak garatzen eta informazioa kontrastatzen joateko baliabide desberdinak: paperean, baliabide informatikoak...	Beharrizanak identifikatu. Denon ideiak kontuan hartu bide egokia bilatzeko. Ikasleak egoera desberdinetan kokatu egoera horietatik nondik joango diren ikusteko.
SORMENA ETA BERRIKUNTZA SUSTATZEKO	Guztien ideiak onartzea eta entzutea. Ideia ezberdinak baloratzea.	Aniztasunaren ikuspegiak balorea izatea: irakasleak eta ikasleak honetan ezagutza izatea. Ideia berriak, originalak, ezberdinak txalotu eta erabili. Gauza berriak egiteko ausardia eta gogoa. Formazioa ideia berriak jasotzen joateko. Kolaborazioa, batzuek eta besteek dakitena konpartitu eta honi gauza berriak gehitzeko.	Ikasle eta Irakasleen ideiak batu proiektu berriak sortzeko. Motibazioa eta jarrera irekia. Aldaketei aurre egin, beldur ez izatea.
KUDEAKETA- ESTRATEGIAK IZATEKO ETA GARATZEKO	Espazio egokiak. Tresna eta baliabideak izan. Denboralizazio egokia.	Baliabide egokiak. Konpetentzia digitalak ezagutu.	Calendar, drive,  eta antzekoak erabili.

Ikusten duzuen bezala, orain arte Amanda Oribe eta nik neuk, Nerea Larrartek sortutako lana dugu baina duela gutxi animatu den beste talde kide berri bat ere badugu: Amaia Agirreurreta. Ongi etorri Amaia!

Ea ba jende gehiago animatzen zareten! Bigarren hezkuntzan tresna digitalak lehen hezkuntzan baino gehiago erabiltzen dela garbi dago baina lehen hezkuntzan ere garatzea garrantzitsua da ikasleak, lehenengo etapa honetatik pasatzen baitira. Ea ideia gehiago partekatzeko aukera daukagun lehen hezkuntzan. ANIMATUUU!!

PRAKTIKA ONAK IKASTETXEETAN

 PRAKTIKA ONAK IKASTETXEETAN

Eskola batean, ikasleek ikas dezaten, lehenengo, nolako pertsonak izatea nahi dugun garbi izan behar dugu. Eta hori kontutan izanik, arlo desberdinetatik zer eskaini, nola motibatu, nola lagundu bidean, zailtasunei nola aurre egin aholkatu... jakin behar dugu irakasleok. Hau guztia aurrera eramateko ezin bestekoak dira Ainhoa Pujanak bideoan aipatu dituen osagaiak: kolaborazioa, komunikazioa, edukia, pentsamendu kritikoa, sormena eta berrikuntza eta alderdi emozionala edo autoestimua.

 Egia esan, guztiak ezin bestekoak ikusten ditut baina, aukeratzekotan lehengo, alderdi emozionala etortzen zait burura. Egunero ikusten ditugu geletan beren alderdi emozionala hari batetik zintzilik duten ikasleak eta hau konpontzen ez duten bitartean ia ezinezkoa egiten zaie gelako edozer gauza egitea, Ainhoak aipatzen zituen beste osagai guztiak bigarren maila batean geratuz. Beraz, niretzat ikaslearen alderdi emozionala zaintzea ezinbestekoa da. Bigarren gakoa aukeratzerakoan duda daukat. Alde batetik, gure ikasleei bizitzea tokatuko zaien gizarte anitza dela eta, ikuspegi kritikoa lantzea behar beharrezkoa dela ikusten dut baina, ezin ahaztu ahal dugu sormena eta berrikuntza eta honek izango duen garrantzia. Nire ustez, alderdi kritikoa lantzen, maila batean edo bestean, ohituagoak gaudela iruditzen zait baina sormena eta berrikuntza... niretzat eta nire ustez irakasle askorentzat, erronka handia da. Urteak eta urteak daramatzagu lan egiteko modu sistematiko bat erreproduzitzen  eta egungo gizarteak gauzak egiteko eskatzen duen arintasun hori, sormenak eta berrikuntzak eskatzen duen hori, ez dakigu aurrera nola eraman. Ikasleei edozein egoerei aurre egiteko estrategiak irakatsi behar dizkiegu, ez edukiak eta horretarako, erronka berriak proposatu. 

Gaur egun gizarteak proposatzen dizkigun erronkei aurre egiteko ordea, gu prestatuta egotea eskatzen du, egunean egotea, urteetan aurrera joan arren fresko mantentzea, gazte, gogotsu. Beraz, nik nere motxilan kuriosoa izatea (ikasteko gogoa izan dezagun) eta erronka berriak aukera bat bezala bizitzea sartuko nituzke. Azken finean, nahiz eta askotan erosoa ez izan guri ere, irakasleoi, erronka berriek eta hauei aurre egiteko ezagutzak jasotzeak pertsona bezala handitzen laguntzen digute. Hori alderdi pertsonaletik begiratuz, eta nola ez, ikuspegi profesionaletik, gure ikasleak pertsona bezala nola garatzen diren ikustea. Urteak pasa eta ikasle-oi batekin topatu eta hau ze nolako pertsonan bihurtu den ikustea izugarria da!

Noski, niretzako oraintxe erronken artean estrategia digitaletan alfabetatzea ikusten dut eta modu berean, metodologia berrietan. Dagoeneko momentu hauetan geletan ditugun ikasleek ez dute zer ikusirik duela 5, 6, edo 7 urte genituenekin. Eta hauek sortzen dituzten beharrei erantzuteko teknologia berriak menderatzeaz gain metodologiak ere berritu behar ditugu.

Bukatzeko esan momentuz estrategiak sartzen joango nintzatekeela eta aldi berean, hausnarketa bat egin orain artekoak gaur egun zein toki izan dezaketen erabaki bitartean. Oraindik ere funtzionatu dezaketenak mantendu, zaharkituak kendu eta  egokitu daitezkenak moldatu.

3.2 jarduera: Metodologia aktiboa

IRAKASLEOK DITUGUN ERRONKA BERRIAK

Bideo eta hausnarketa desberdinak irakurri ondoren hemen doa ere nire hausnarketa. 

Hasteko, Monika Gonzalezek bere hausnarketan aipatzen dituen bi ideia hartu ditut, ni ere hauekin identifikatua sentitu bait naiz: bata irakasleok konpetentzia digitalean formatu egin beharra daukagula eta bestea irakasleok aurkitzen ditugun zailtasunak. 

Guztiz ados nago lehenengo ideia honekin eta  horren adibide ni ikastaro honetan egotearena. Ezin bestekoa da, guk irakasleok, gure saioetan teknologia berriak nola txertatu jakitea; hauek, ikasleen motibazio eta lan egiteko jarreran, aukera apartak eskaintzen baitizkigute. Ez hori bakarrik, ikasleak berak, beraien kabuz ere, teknologia hauek erabiltzen dituzte eta guk ezagutu behar ditugu, egon daitezken arriskuetaz hitz egiteko eta ikuspegi kritikoa eta erabilera- jarrera ikasleekin lantzeko. 

Bigarren ideia irakasleon zailtasunak dira: ordenagailu zaharkituak, ordenagailu gutxi, ordenagailu ez eguneratuak, debekuak, irakasleen formazio falta, programa berriak erabiltzen ikasteko eta hauek gure saioetan txertatzeko denbora falta... Ni ere nire ikastetxean zailtasun guzti hauekin aurkitzen naiz eta ez da batere lagungarria IKTren bidetik jarraitzeko, beti eskura baitugu ordurarte menderatu duguna: papera, liburua eta arkatza edo klariona. Hala ere, gizartea aldatzen doa eta guk ere egokitu beharra daukagu berarekin batera. Motibazioa ez galtzea oso garrantzitsua da.

Lehen blokean aipatzen zen moduan, agian orain arte horretan pentsatzen jarri gabe nengoen, egiten duguna eta dakiguna mundura zabaldu behar dugula da. Orain arte, nik ikastaro bat egiten banuen, agian, ondoan nuenarekin konpartitzen nuen baina horretan geratzen zen . Teknologia berriak izugarri eta oso azkar ari dira aldatzen eta ez daukagu denborarik, aldi oro, gauza berriak bilatu, aztertu, ikasi, gure saioetan txertatu, hauek eman ditzaketen emaitzak aldez aurretik baloratu... guztia egiteko. Baina hau ez litzateke horrela izango irakasle desberdinak ikasten eta praktikan jartzen goazen gauzak gure kideei momentu batean irakatsiko bagenizkieke. "Nik hau egiten det eta horrela ateratzen da, a ba nik beste hau egiten dut eta horrelakoak dira emaitzak". Askoz errazagoa da besteek ezagutzen dutena eta ondo funtzionatzen duena martxan jartzea bakoitza bere kabuz, modu estanko batean aritzea baino. Konpartituz bikoitza jakin dezakegu. Ikaskuntza kooperatiboa. Konpartitzen ikasi beharra daukagu eta horretarako ere guneak sortu behar ditugu. 

Nire hausnarketarekin bukatzeko, azken ideia bat. Gai honetan pixka bat sartzen ari garenak, oraindik sartu ez direnei lagundu eta motibatu behar diegu. Honetan ere, batzuk errazago ikasten dugu edo esfortzua egiteak ez digu hainbeste beldur ematen edo... arrazoi ezberdinak egon daitezke batzuk erronka berriei aurre egiteko eta beste batzuk ez. Nire ustez, erronka berrietan sartzea kostatzen zaienei, Maite Goñik mahai inguruko bideoan esaten duen bezala, xirikatu behar diegu eta gogoa sartu, guk ezagutzen ditugun programei buruz informazioa emanez. Hasieran zaila egiten dena ere erraza izan daitekeela ikus arazi. Azken finean, irakasleon artean ere, lana errazago egin ahal izateko garrantzitsua da denok ildo beretik joatea.

3.1 jarduera

UNITATE DIDAKTIKO BATEN DISEINUA ARAZO EGOERA BATEAN OINARRITUZ



Oraingo honetan unitate didaktiko xume batekin natorkizue. Unitate didaktiko hau lehen hezkuntzan emango da aurrera 6. mailako ikasleekin. Gaia  "Gizakia eta osasuna" da eta gure unitatea aurrera eramateko sortu zaigun galdera honakoa:

Beharrezkoa al da txertoa jartzea?

Aurkezpena

Gaur hasiko dugun lan honen helburua norberak bere interesen, beharren eta ezagutzen arabera, gizartean eta gure artean edonork hartu dezakeen erabakiaren aurrean, iritzi pertsonal eta kritiko bat sortzea izango da.

Gaur egun medikuntza alternatiboa pil-pilean dago eta asko dira Euskal Herrian, bide honetatik jarraitzen duten familiak. Honek orain arte, medikuntza alternatiboak eskaintzen zizkigun hainbat baliabide eta aukera alde batera utzi eta kriterio propioetan oinarrituz, beste erabaki batzuk hartzea bideratzen du. Horrelako adibideetako bat da 2015eko ekainaren 27an hil zen difteriak jotako Kataluniako 6 urteko haurraren kasua. Gaitz horren lehen kasua izan zen Estatutan, azken 28 urteotan. Haur hau gaitzaren kontrako txertoa hartu gabe zegoen, gurasoek horrela erabakita, medikuntza alternatiboaren aldekoak zirelako.

Errealitate hau hain gertukoa dugula ikusirik gaia aztertu eta norberak bere ondorioak ateratzea interesgarria ikusi dugu.

Horretarako, gaiari buruzko informazioa jasoko dugu, gainera, ikasle zein guraso ezberdinei gaiari buruzko elkarrizketak egingo dizkiegu, gaiari buruz egon diren telesaio ezberdinak ikusi eta aztertuko ditugu eta guztia aztertu eta informazio desberdina bildu ondoren, aurkezpenen fasean murgilduko gara, norberak bere ikuspegia garatu dezan.
Bukatzeko eztabaida ireki bat egingo dugu ikasle bakoitzak gaiari buruz bere ikuspuntua eskaini dezan.

Jarraian aurkituko duzue unitate didaktiko hau aurrera eramateko txantiloia:

Nire aurkezpena

Kaixo, ni Nerea Larrarte naiz, tolosarra.

Barkatuko didazue hain berandu egitea nire aurkezpena baina oraintxe konturatu naiz egin gabe nuela.

Lehen hezkuntzako irakaslea naiz eta 6 urte daramatzat Ordiziako Urdaneta ikastetxean irakasle lanetan. Ikastetxe hau Amara Berri sisteman oinarritua dago. Hori dela eta gure ikasleak zikloka elkarturik daude geletan eta testu libururik gabe, txokoetan aritzen dira lanean kurtso osoan zehar.  Bertan hasi arte ez nuen sistema ezagutzen baina esan beharra daukat ezagutzen ez duen orori bertara etorri eta ikusteko esaten diodala, aukera paregabeak eskaintzen baititu modu dinamiko eta entretenigarri batean ikasteko.

Ikastaro hau niretzat erronka berriei aurre egiteko modu bat da. Teknologia berriak ez dira inoiz nire gaia izan nahiz eta oinarrizko tresnak erabiltzen ditudan: google, whats app, drive, hangouts, eta antzekoak baina ikasleekin gela barruan erabiltzeko tresnak behar ditudala somatzen nuen aspaldidanik eta horretan trebatu beharra daukadala ikusten dut. Eta hementxe nago ikastaro honetan erritmoa ezin jarraitu, baina pozik, esfortzuak balio duelako eta nire bisioa zabaltzen laguntzen ari zaidalako. Ikusten dut tresna berriak ezagutzeko txispa piztu zaidala, aplikazio ezezagunen  berri jasotzen ari naizela eta niretzako oso positiboa da guztia.

Ikusten ari naizen lanak direla eta agian, lehenengo hezkuntzan dagoen jende gehiagorekin teknologia berriak non eta nola erabiltzen dituzten ideiak jasotzea faltan botatzen ari naiz. Horrek ez du esan nahi bigarren hezkuntzakoak ez direnik baliagarriak baina egian ikasleekin programa desberdinak txertatzeko modua pixka bat desberdina da. Ondo legoke horrelakoetarako foro edo gune zehatz bat izatea sarean. Bilaketa lanetan hasi beharko dugu edota agian bat sortu!

Hauxe da nire aurkezpena eta ikastaroa aurreratua dagoela aprobetxatuz, bidean sortzen joan zaizkidan hausnarketa sinple batzuk.

Nire NIAren hobekuntza proposamena

Oraingo honetan egin berri dugun NIA nola hobetu hausnartzea da. Nire forokideen hobekuntzak ikusi ditut baina nirean zentratu beharra daukat, norberak interes eta ezagutza ezberdinak baitauzka.

Gauza asko egiteke ditudala ikusten dut baina hona hemen lehentasunaren arabera zerekin hastea pentsatu dudan:

1. Horrelako ikastaroetan, askotan, gauza berrien erabileran "pistak" ematen zaizkigu. Aplikazio berrien erabileran animatzen gaituzte/gaituzue baina erabiltzen ikasi, egunero erabiltzen hasten garenean egiten dela pentsatzen dut. Nire kasuan behintzat, duela ia bi urte egin nuen ikastaro baterako Twitter kontua ireki nuen baina, orduz geroztik, berriro erabili gabe nuen eta horrela ez da ikasten! (Horrela nabil ezin asmatu). Beraz, nire lehenengo urratsa ikastaro honetan proposatutako bloga, twitter eta horrelakoei buruzko tutorialak ondo irakurri edo ikusi eta erabilera on eta seguru bat emateko erabiltzen ikastea/hastea da.

2. Ikasleekin erabili daitezkeen programa berriez informatu, ezagutu, jakin, aztertu eta baten bat, gelan txertatzea ondo legoke. Ordenagailuekin egiten den edozer irrikaz bizi izaten dute eta uste dut, guztiok ondo pasa dezakegula horrela ikasten ikasiz.

3. Lehenengo bietan "ikasi" aditza erabili dut. Bai, hortxe ikusten dut nire hutsunea. Beraz, Interneten saltseatzeaz gain, hau bezalako ikastaro gehiagotan parte hartu beharko nuke eta jende adituari jarraitu.

4. Noski urrats batean jarri beharra neukan, ikasitakoa zabaltzen hasi beharrean nagoela. Lehenengo nire ingurukoei, alegia, nire lankideei, nire ikasleei...  baina hau nola egin ere pentsatu egin beharko nuke. Ados nago Josik egin duen aipamenarekin, euskaldunei asko kostatzen zaigula egiten duguna partekatzea, ni orain arte talde horretan egon naiz dudarik gabe. Baina saiatu beharra daukagu jendeari ahalik eta errezen jartzen edozein mailako ezagutza, guri ere horrela jartzen digutenean eskertzen baitugu.

5. Azken puntu honetan, azken egun hauetan buruan darabilkidan kezka bat aipatzea pentsatu dut.  Izan ere, dagoeneko bueltaka nebilkien kezka bat eta atzo "Salvados" programa ikustean teknologia berrietara adikzioaz hitz egiten baitzen, sare sozialetan uneoro konektatua egon beharra, mobila etxean ahazten bazaigu angustiatzen gaituena... Nik egunean egon nahi dut baina ez dut adikta izan nahi, ez dut jendearekin pertsonalki komunikatzeaz utzi nahi sarean konektatua egon beharra daukadalako, ez dut nire familia, lagunak eta nire denbora librea teknologia berriekin hipotekatu nahi. Gure ingurunean gauza interesgarri eta garrantzitsu gehiegi dago horretara iristeko. Baina, aurretik esan dudan guztia egin nahi badut nire kabuz, nire denbora librean, nire lagun eta familiakoekin konpartitzen dudan denboran horretan egin beharra daukadala ikusten dut bestela noiz egin behar dut? Jendeak noiz egiten du? Garbi daukat zer nahi dudan eta zer ez baina, nola egin batak bestea jan gabe? Norbaitek ezagutzen al du honetan lagundu diezadaken zerbait? Zuen jakintza nirekin konpartitzea behar dut denborak ito ez nazan.