Hausnarketaren ondorioa
Ikanos galdekizuna oso interesgarria iruditu zait, ez bait nuen inoiz nire buruak duen konpetentzi digitala maila horretan neurtu. Nahiz eta hasierako galderen erantzuna nahiko garbi izan dudan, beste hainbat galderetan kosta egin zait puntuazioa zehaztea. Beste batzuetan berriz ideiarik ere ez nuela ikusi dut, hutsuneak non ditudan argi eta garbi geratuz. Gai honi buruz asko ikasi beharrean nagoela somatu dut.
Testa egiterakoan oso osatua zegoela iruditu zait. Maila ezberdinetako galderak egiten zituela eta ez dut galdera gehiagoren beharrik somatu.
Emaitza ikustean harritu egin nau. Ez nuen uste erdimailan kokatuko nintzenik, hainbat arlotan egindako galderak erantzuterakoan adibidez, segurtasun arloan, jendearekin elkarbanatzeko erabiltzen ditudan aplikazioen erabileran, edota programazio gaietan, hutsune handiak somatu baititut. Egia da ere, hasierako galderak erantzuterakoan nire buruarekin harrituta geratu naizela, hauen erabilera, oharkabe, egunerokoa baita.
Azken urteetan behin eta berriz errepikatzen ari nintzen ideia egiaztatu dut. Alegia, teknologia berriak oso azkar doazela eta behar beharrezkoa dela egunean egotea hauetan. Ez irakasle moduan soilik, baita guraso edota gizarteko parte hartzaile soil baten moduan. Gaur egun, gure haurrek gu baino askoz azkarrago eta errazago jasotzen dituzte baliabide berrien erabilera ezagutzak, eta guk ez baditugu minimoki menderatzen ezin diegu hauetan aholkurik eman. Bestetik, gaur egun, orduan eta gehiago dira gure egunerokotasunean, teknologia berriak erabiltzera behartzen gaituzten egoerak (banketxeak, administrazioa, salerosketak, ordainketak...). Beraz, gailu berrietan egunean egotea ezin bestekoa da, egungo gizartean partaide eta eragile izaten jarraitu nahi badugu. Eta garrantzitsua da perezak alde batera utzi eta buru belarri honetan jartzea, behin ezjakintasunaren munduan sartzen bazara, orduan eta zailagoa baita hariari jarraitzea. Eta alderantziz ere, zenbat eta naturaltasun gehiagorekin erabili baliabide digitalak, orduan eta errazago jartzen zara aplikazio eta egitura berriak erabiltzen.
iruzkinik ez:
Argitaratu iruzkina